ՈւԵՖԱ-ն ներկայացրել է Չեմպիոնների լիգայի կիսաեզրափակիչի առաջին խաղերի լավագույն ֆուտբոլիստի 2 թեկնածուներին:
Շաբաթվա լավագույն խաղացողի կոչման համար կպայքարեն անգլիական «Լիվերպուլի» եգիպտացի հարձակվող Մոհամեդ Սալահն ու Մադրիդի «Ռեալի» բրազիլացի պաշտպան Մարսելոն: Հաղթողը կորոշվի ՈւԵՖԱ-ի կայքում անցկացվող քվեարկությամբ:
Հիշեցնենք, որ Սալահի դուբլի ու 2 գոլային փոխանցումների օգնությամբ «Լիվերպուլը» տանը 5:2 հաշվով հաղթել էր իտալական «Ռոմային», իսկ Մարսելոյի գոլը «Ռեալին» օգնել էր արտագնա հաղթանակ տանել Մյունխենի «Բավարիայի» նկատմամբ՝ 2:1:
Հետևեք NEWS.am SPORT-ին Facebook-ում, Twitter և Telegram-ում