10:22  +04,  17 ապրիլի, 2018

Բունդեսլիգայի խաղում մրցավարը թիմերին հետ է բերել հանդերձարանից եւ նշանակել 11 մետրանոց հարված

Ուշագրավ միջադեպ է տեղի ունեցել «Մայնց» - «Ֆրայբուրգ» ֆուտբոլի Գերմանիայի առաջնության 30-րդ տուրի խաղում:

Հանդիպման գլխավոր մրցավար Գվիդո Վինկմանը 45-րդ րոպեին ազդարարել է առաջին խաղակեսի ավարտը, եւ թիմերն ուղեւորվել են հանդերձարան: Սակայն այդ ընթացքում մրցավարի օգնականը դիտել է 45-րդ րոպեին տեղի ունեցած դրվագի կրկնապատկերը եւ կանոնների խախտում արձանագրել «Ֆրայբուրգի» տուգանային հրապարակում: Գվիդո Վինկմանը թիմերին վերադարձել է խաղադաշտ եւ 11 մետրանոց հարված նշանակել «Ֆրայբուրգի» դարպասին:

«Մայնցն» անվրեպ է իրացրել 11 մետրանոց հարվածը եւ 2:0 հաշվով հաղթել այդ խաղում:

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից: