Դորտմունդի «Բորուսիայի» բելգիացի հարձակվող Միշի Բատշուային վնասվածք է ստացել «Շալկեի» դեմ Բունդեսլիգայի 30-րդ տուրի խաղում, որում դաշտը լքել է պատգարակով:
Bild-ը գրում է, որ Բելգիայի հավաքականի ֆուտբոլիստը խուսափել է կրնկի կոտրվածքից, սակայն կարող են վնասված լինել նրա հոդերը: Բատշուայիի մասնակցությունը հարցականի տակ է ամռանը կայանալիք աշխարհի առաջնությանը: Նրա վերականգնման ստույգ ժամկետը հայտնի կլինի առաջիկա օրերին:
Հիշեցնենք, որ «Բորուսիան» 0:2 հաշվով պարտվել էր «Շալկեին», որը 55 միավորով ամրապնդվեց երկրորդ տեղում:
Հետևեք NEWS.am SPORT-ին Facebook-ում, Twitter և Telegram-ում