23:23  AMT,  14 ապրիլի, 2018

Լատվիայի հավաքականի հայ ֆուտբոլիստ. Հայաստանն իմ հայրենիքն է, որը շատ սիրում եւ արժեւորում եմ

Ֆուտբոլի Լատվիայի ազգային հավաքականի եւ Յուրմալայի «Սպարտակի» կիսապաշտպան Էդգար Վարդանյանը NEWS.am Sport-ի թղթակցի հետ զրույցում պատմել է իր առողջական վիճակի մասին, գնահատել է Հայաստանի ազգային հավաքականի հանդիպումները:

2017թ. նոյեմբերին հայտնի դարձավ, որ Էդգար Վարդանյանը առողջական խնդիրներ ունի:

Ինչպե՞ս է Ձեր առողջական վիճակն այժմ:

Հիմա կայուն է, կազդուրվում եմ, բայց դեռ բժիշկների հսկողության տակ եմ: Ամեն շաբաթ լինում եմ հիվանդանոցում եւ ստուգվում եմ:

Շարունակում ե՞ք մարզվել: Պատմեք Ձեր ծրագրերի մասին:

Փետրվարից սկսել եմ մարզվել մարզասարքերով: Այժմ աստիճանաբար սկսում եմ աշխատել թիմի հետ: Բոլորի հետ անցկացնում եմ նախավարժանքը: Հույս ունեմ վերականգնվել հունիսին: Եթե ոչ մի խնդիր չծագի, ապա դա հնարավոր է:

Ե՞րբ եք եղել Հայաստանում եւ ի՞նչ նպատակով:

2007 թվականին եմ եղել Հայաստանում: Ընտանիքիս հետ հյուր էինք եկել բարեկամներիս: Ծնողներս կարողանում եմ ավելի հաճախ լինել հայրենիքում: Կցանկանայի ամռանը այցելել, երբ տաք է, բայց միշտ զբաղված եմ լինում թիմի հետ:

Ի՞նչ գնահատական կտաք Հայաստանի ազգային հավաքականի խաղերին: Առաջարկ ստացե՞լ եք Հայաստանի թիմից:

Հետեւում եմ Հայաստանի հավաքականի խաղերին: Դիտել եմ նախորդ երկու ընկերական հանդիպումները Էստոնիայի եւ Լիտվայի հետ: Անհաջող հանդիպումներ էին: Սակայն դա նորմալ է, երբ ընկերական խաղերում մարզիչը դիմում է խաղացողների ռոտացիայի: Դա կարող է ազդել արդյունքի վրա: Հույս ունեմ, որ ապագայում թիմը կհաղթի եւ հաջողություն եմ մաղթում Ազգերի լիգայում:

Հայաստանի հավաքականից հրավեր ստացել էի, սակայն որոշեցի, որ սխալ կլինի ընդունել այն, քանի որ որպես ֆուտբոլիստ ձեւավորվել եմ Լատվիայում: Հասկանալի է, որ Հայաստանն իմ հայրենիքն է, որը շատ սիրում եւ արժեւորում եմ: Բայց նաեւ պետք է փոխեի եվրոպական անձնագիրս, քանի որ այստեղ երկքաղաքացիություն ստանալ չի ստացվում:

Հետեւո՞ւմ եք հայ ֆուտբոլիստների մրցելույթներին:

Ինչքան հնարավոր է, հետեւում եմ: Երբեմն զրուցում եմ Արտյոմ Սիմոնյանի հետ: Հետեւում եմ նաեւ Հայաստանի առաջնության արդյունքներին: Շատ հպարտ եմ Հենրիխ Մխիթարյանի համար, ուրախ եմ, որ ազգային հավաքականն ունի Անգլիայում հանդես եկող առաջատար: Իսկական հաճույք է հետեւել նրա խաղին: Նա լավ օրինակ է:

Աստղիկ Ադամյան

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Loading...
  • Հարցում
Ո՞ւմ կցանկանայիք տեսնել ֆուտբոլի Հայաստանի թիմի մարզիչի պաշտոնում
Միշել Տեր-Զաքարյան
Վարդան Մինասյան
Խորեն Հովհաննիսյան
Սերխիո Մարկարյան
Վարուժան Սուքիասյան
Աբրահամ Խաշմանյան
Արթուր Պետրոսյան
Այլ թեկնածու
  • Ֆեյսբուք
  • NEWS.am Sport Exclusive
  • Հարցում
2017թ. Հայաստանի լավագույն մարզիկը
Արթուր Ալեքսանյան
Լեւոն Արոնյան
Մաքսիմ Մանուկյան
Հենրիխ Մխիթարյան
Հովհաննես Բաչկով
  • Վիճակագրություն
  • Արխիվ
Loading...