«Բարսելոնան» ուժեղ էր «Վալենսիայից» (տեսանյութ)

Իսպանիայի առաջնության 32-րդ տուրում առաջատար «Բարսելոնան» ընդունեց «Վալենսիային» եւ առավելության հասավ 2:1 հաշվով (տեսանյութ):

Էռնեստո Վալվերդեի գլխավորած թիմը հաղթանակ տարավ ուրուգվայցի հարձակվող Լուիս Սուարեսի եւ ֆրանսիացի պաշտպան Սամուել Ումտիտիի գոլերի շնորհիվ: Երկու գոլային փոխանցում կատարեց բրազիլացի կիսապաշտպան Ֆիլիպե Կոուտինյոն:

«Բարսելոնան» 82 միավորով գլխավորում է մրցաշարային աղյուսակը: Երկրորդ տեղում գտնվող Մադրիդի «Աթլետիկոն» 31 խաղից հետո ունի 68 միավոր:

Պրիմերայում «Բարսելոնան» պարտություն չի կրում 39-րդ խաղում անընդմեջ, ինչը Իսպանիայի առաջնությունների ռեկորդ է: Նախորդը պատկանում էր «Ռեալ Սոսյեդադին» 1979-1980 թվականներին՝ 38 խաղ:

Իսպանիայի առաջնություն, 32-րդ տուր

«Բարսելոնա» - «Վալենսիա»՝ 2:1

Լուիս Սուարես, 15, Սամուել Ումտիտի, 51 – Դանիել Պարեխո, 87, 11մ

Հետևեք NEWS.am SPORT-ին Facebook-ում, Twitter և Telegram-ում