Ջամայկայում JustBet բուքմեյքերական գրասենյակի հաճախորդներից մեկը մեծ գումար է շահել «Բարսելոնայի» եւ իտալական «Ռոմայի» միջեւ Չեմպիոնների լիգայի քառորդ եզրափակիչի պատասխան խաղի արդյունքում:
Երկրպագուն ցանկացել է խաղադրույք կատարել կատալոնական ակումբի հաղթանակի վրա, սակայն գրասենյակի աշխատակիցը սխալմամբ նշել է «Ռոմայի» հաղթանակը 4.75 գործակցով: 5 խաղերի էքսպրես խաղադրույքի վրա երկրպագուն կատարել է 1000 դոլարի խաղադրույք եւ շահել 52 հազար դոլար, գրում է ESPN-ը:
Հիշեցնենք, որ առաջին խաղում «Բարսելոնան» հաղթել էր 4։1 հաշվով, իսկ պատասխան մրցավեճում «Ռոման» խփեց 3 անպատասխան գոլ։ Դիմակայությունում գրանցվեց 4։4 հաշիվը, իսկ «Ռոման» հաջորդ փուլ դուրս եկավ մրցակցի դաշտում խփած գոլի շնորհիվ։
Չեմպիոնների լիգայի կիսաեզրափակիչի զույգերը կորոշվեն ապրիլի 13-ին կայանալիք վիճակահանությամբ:
Jamaican sportsbook @JustBet_Ja says a guy tried to cancel his 5-leg parlay because he accidentally bet Roma instead of Barcelona. Couldn’t cancel it. Roma beats Barcelona today. Guy turns $1K into $52,624! pic.twitter.com/yyDDJCV5jT
— Darren Rovell (@darrenrovell) 11 апреля 2018 г.
Հետևեք NEWS.am SPORT-ին Facebook-ում, Twitter և Telegram-ում