Մադրիդի «Ռեալի» ավագ Սերխիո Ռամոսը կարող է բաց թողնել Չեմպիոնների լիգայի կիսաեզրափակիչի առաջին հանդիպումը:
Իսպանացի պաշտպանը Թուրինի «Յուվենտուսի» դեմ Չեմպիոնների լիգայի քառորդ եզրափակիչի պատասխան հանդիպումը բաց թողեց որակազրկման պատճառով եւ հանդիպմանը հետեւում էր տրիբունայից: Սակայն խաղի վերջին րոպեներին Ռամոսին նկատել են հանդերձարան տանող թունելում, որտեղից նա աջակցում էր իր թիմակիցներին: ՈւԵՖԱ-ի կանոնակարգի համաձայն՝ որակազրկված ֆուտբոլիստն իրավունք չունի գտնվել հանդերձարան տանող թունելում: Ռամոսը կարող է պատժվել եւ բաց թողնել հաջորդ հանդիպումը Չեմպիոնների լիգայում, գրում է As-ը:
Հիշեցնենք, որ առաջին խաղում Արքայական ակումբն ուժեղ էր գտնվել 3:0 հաշվով, իսկ Մադրիդում կայացած պատասխան խաղում «Յուվենտուսը» հաղթեց 3:1 հաշվով եւ լքեց պայքարը: «Ռեալն» ավելացված ժամանակում հաշիվը կրճատել էր 11 մետրանոց հարվածով:
Հետևեք NEWS.am SPORT-ին Facebook-ում, Twitter և Telegram-ում
21:03 , 19 ապրիլի 
20:26 , 19 ապրիլի 
19:28 , 19 ապրիլի 
19:15 , 19 ապրիլի 
18:50 , 19 ապրիլի 
18:32 , 19 ապրիլի 
17:45 , 19 ապրիլի 
16:10 , 19 ապրիլի 
15:09 , 19 ապրիլի 
14:14 , 19 ապրիլի 
