Գերմանիայում անցկացվող Grenke Сhess Сlassic մրցաշարում ապրիլի 8-ին տեղի կունենան նախավերջին տուրի պարտիաները (մեկնարկը՝ Երեւանի ժամանակով 17:00-ին): Հայաստանի հավաքականի առաջատար Լեւոն Արոնյանը սեւ ֆիգուրներով կմրցի ամերիկացի Ֆաբիանո Կարուանայի հետ, որը 7 տուրից հետո 5 միավորով միանձնյա գլխավորում է մրցաշարային աղյուսակը: Հայ գրոսմայստերը նրանից հետ է 1 միավոր:
Նախորդ 7 տուրերում հայ գրոսմայստերը ոչ ոքի է խաղացել գերմանացի Գեորգ Մեյերի, աշխարհի նախկին չեմպիոն, հնդիկ Վիշվանաթան Անանդի, չինուհի Հոու Յիֆանի, ֆրանսիացի Մաքսիմ Վաշյե-Լագրավի, աշխարհի գործող չեմպիոն Մագնուս Կարլսենի եւ ռուսաստանցի Նիկիտա Վիտյուգովի հետ, ինչպես նաեւ սպիտակներով հաղթել է Ադրբեջանը ներկայացնող Արկադի Նայդիչին:
Լեւոն Արոնյանը Grenke Сhess Сlassic-ի գործող հաղթողն է։ Նախորդ տարի նա 7 հնարավորից վաստակել էր 5.5 միավոր եւ միանձնյա գրավել առաջին տեղը։ Երկրորդ տեղը կիսել էին Մագնուս Կարլսենը եւ Ֆաբիանո Կարուանան, որոնք վաստակել էին 4-ական միավոր:
Grenke Сhess Сlassic. 8-րդ տուր
Ֆաբիանո Կարուանա (ԱՄՆ) - Լեւոն Արոնյան (Հայաստան)
Արկադի Նայդիչ (Ադրբեջան) - Վիշվանաթան Անանդ (Հնդկաստան)
Մագնուս Կարլսեն (Նորվեգիա) - Նիկիտա Վիտյուգով (Ռուսաստան)
Մաթիաս Բլյուբաում (Գերմանիա) - Մաքսիմ Վաշյե-Լագրավ (Ֆրանսիա)
Գեորգ Մեյեր (Գերմանիա) - Հոու Յիֆան (Չինաստան)
Մրցաշարային դրությունը 7-րդ տուրից հետո. Կարուանա՝ 5 միավոր, Կարլսեն, Վիտյուգով՝ 4.5-ական, Վաշյե-Լագրավ, Արոնյան՝ 4-ական, Բլյուբաում՝ 3.5, Անանդ, Նայդիչ՝ 3-ական, Յիֆան, Մեյեր՝ 2-ական:
Հետևեք NEWS.am SPORT-ին Facebook-ում, Twitter և Telegram-ում
22:26 , 19 ապրիլի 
21:51 , 19 ապրիլի 
21:03 , 19 ապրիլի 
20:26 , 19 ապրիլի 
19:28 , 19 ապրիլի 
19:15 , 19 ապրիլի 
18:50 , 19 ապրիլի 
18:32 , 19 ապրիլի 
17:45 , 19 ապրիլի 
16:10 , 19 ապրիլի 
