«Լիվերպուլ» - «Մանչեսթեր Սիթի». Մարզիչների կարծիքները

Անգլիական «Լիվերպուլի» եւ «Մանչեսթեր Սիթիի» միջեւ Չեմպիոնների լիգայի քառորդ եզրափակիչի առաջին խաղից հետո 2 թիմերի գլխավոր մարզիչները կիսվել են տպավորություններով․

Յուրգեն Կլոպ («Լիվերպուլ»)․ «Չէինք սպասում այսպիսի արդյունք, սակայն «Լիվերպուլը» պետք է ավելի շատ ֆուտբոլ խաղար երկրորդ խաղակեսում։ Մրցակիցը չունեցավ շատ գոլային պահեր, իսկ մենք քիչ էինք ֆուտբոլ խաղում։ Այս խաղը միայն առաջին մասն է։ 3։0-ն դա լավ է։

Առաջին խաղակեսը հրաշալի էր։ Ֆուտբոլը պետք է ունենա այդպիսի տեսք։ Եթե ցանկանում ենք տեսնել այսօրվա խաղի պես հանդիպումներ, ապա Պրեմյեր լիգան պետք է մտածի խաղացանկի մասին»․

Խոսեպ Գվարդիոլա («Մանչեսթեր Սիթի»)․ «Չստեղծեցինք գոլային պահեր, քանի որ «Լիվերպուլը» պաշտպանվում էր մեծ ուժերով։ Պետք է խփեինք մեկ գոլ, սակայն չարեցինք դա։

Հիմա ոչ ոք չի հավատում, որ «Մանչեսթեր Սիթին» դուրս կգա Չեմպիոնների լիգայի կիսաեզրափակիչ։ Մենք կփորձենք մեզ հակառակը համոզել վաղը։ Ես հավատում եմ իմ թիմին։ Առջեւում կա 90 րոպե, եւ մենք կփորձեինք անել դա պատասխան խաղում»,- փոխանցում է BBC-ն։

Հիշեցնենք, որ Լիվերպուլում կայացած խաղում դաշտի տերերը Պրեմյեր լիգայի առաջատարին հաղթել էին 3։0 հաշվով, իսկ պատասխան հանդիպումը կկայանա ապրիլի 10-ին Մանչեսթերում։

Հետևեք NEWS.am SPORT-ին Facebook-ում, Twitter և Telegram-ում