Բեռլինում ընթացող շախմատի աշխարհի չեմպիոնի հավակնորդների մրցաշարի առաջատարը 9-րդ տուրից հետո չփոխվեց: Ամերիկացի Ֆաբիանո Կարուանան ոչ ոքի խաղաց չինացի Դին Լիրենի հետ եւ 6 միավորով միանձնյա գլխավորում է մրցաշարային աղյուսակը: Հայկական շախմատի առաջատար Լեւոն Արոնյանը ադրբեջանցի Շաքրիյար Մամեդյարովի հետ ոչ ոքիից հետո ունի 3.5 միավոր եւ ռուսաստանցի Վլադիմիր Կրամնիկի ու ամերիկացի Ուեսլի Սոյի հետ եզրափակում է մրցաշարային աղյուսակը:
Մարտի 21-ին մրցաշարում հանգստյան օր է:
Հավակնորդների մրցաշար, 9-րդ տուր
Լեւոն Արոնյան (Հայաստան) - Շաքրիյար Մամեդյարով (Ադրբեջան)՝ 0.5:0.5
Ֆաբիանո Կարուանա (ԱՄՆ) - Դին Լիրեն (Չինաստան)՝ 0.5:0.5
Ուեսլի Սո (ԱՄՆ) - Ալեքսանդր Գրիշչուկ (Ռուսաստան)՝ 0.5:0.5
Սերգեյ Կարյակին (Ռուսաստան) - Վլադիմիր Կրամնիկ (Ռուսաստան)՝ 1:0
Մրցաշարային դրությունը 9-րդ տուրից հետո. Կարուանա՝ 6, Մամեդյարով՝ 5.5, Գրիշչուկ՝ 5, Կարյակին, Դին Լիրեն՝ 4.5-ական, Կրամնիկ, Սո, Արոնյան՝ 3.5-ական:
10-րդ տուր (մարտի 22)
Կրամնիկ - Արոնյան
Գրիշչուկ - Կարյակին
Մամեդյարով - Կարուանա
Դին Լիրեն - Սո
Հետևեք NEWS.am SPORT-ին Facebook-ում, Twitter և Telegram-ում