Բեռլինում ընթացող շախմատի աշխարհի չեմպիոնի հավակնորդների մրցաշարի երրորդ տուրում հայկական շախմատի առաջատար Լեւոն Արոնյանը սպիտակներով մրցեց աշխարհի նախկին չեմպիոն, ռուսաստանցի Վլադիմիր Կրամնիկի հետ եւ 27-րդ քայլում պարտություն կրեց:
Նախորդ 2 տուրերում հայ գրոսմայստերը ոչ ոքի էր խաղացել չինացի Դին Լիրենի ու ադրբեջանցի Շաքրիյար Մամեդյարովի հետ:
Կրամնիկը 2.5 միավորով գլխավորում է մրցաշարային աղյուսակը: Կրամնիկին հավասարվելու հնարավորություն ունեն ամերիկացի Ֆաբիանո Կարուանան ու ադրբեջանցի Շաքրիյար Մամեդյարովը, որոնց պարտիան չի ավարտվել:
Հավակնորդների մրցաշար, երրորդ տուր
Լեւոն Արոնյան (Հայաստան) - Վլադիմիր Կրամնիկ (Ռուսաստան)՝ 0:1
Ֆաբիանո Կարուանա (ԱՄՆ) - Շաքրիյար Մամեդյարով (Ադրբեջան)
Սերգեյ Կարյակին (Ռուսաստան) - Ալեքսանդր Գրիշչուկ (Ռուսաստան)՝ 0.5:0.5
Ուեսլի Սո (ԱՄՆ) - Դին Լիրեն (Չինաստան)՝ 0.5:0.5
Մրցաշարային դրությունը երկրորդ տուրից հետո. Կարուանա, Կրամնիկ, Մամեդյարով՝ 1․5-ական միավոր, Արոնյան, Գրիշչուկ, Դին Լիրեն՝ 1-ական, Սո, Կարյակին՝ 0․5-ական:
Երկու շրջանով անցկացվելիք հավակնորդների մրցաշարի մրցանակային հիմնադրամը 420 հազար եվրո է: Հավասար միավորների դեպքում, հաղթողը կորոշվի անձնական հանդիպումների, հաղթանակների քանակի, Զոնեբորն-Բերգերի գործակցի հաշվարկով: Բացարձակ հավասարության դեպքում, մարտի 28-ին կանցկացվի թայ-բրեյք: Պարտիաների ժամանակի հաշվարկը. 100 րոպե՝ առաջին 40 քայլին, 50 րոպե՝ հաջորդ 20 քայլին եւ 15 րոպե՝ մինչեւ պարտիայի ավարտը ամեն քայլին 30 վայրկյանի ավելացմամբ:
Խաղային օրերն են՝ մարտի 10-12, 14-16, 18-20, 22-24, 26-27: Հանգստյան օրերն են՝ մարտի 13, 17, 21, 25: Տուրերի մեկնարկը Երեւանի ժամանակով 18:00-ին է:
Հավակնորդների մրցաշարի հաղթողն իրավունք կստանա այս տարվա նոյեմբերի 9-28-ը Լոնդոնում կայանալիք մրցամարտում աշխարհի գործող չեմպիոն, նորվեգացի Մագնուս Կարլսենի հետ վիճարկել համաշխարհային թագը։
Հետևեք NEWS.am SPORT-ին Facebook-ում, Twitter և Telegram-ում