Մադրիդի «Ռեալի» պորտուգալացի հարձակվող Կրիշտիանու Ռոնալդուն, գոլի հեղինակ դառնալով ֆրանսիական ՊՍԺ-ի դեմ Չեմպիոնների լիգայի 1/8 եզրափակիչի պատասխան խաղում, այդ մրցաշարում գոլ է խփել 9-րդ խաղում անընդմեջ։
Նախկինում նման ցուցանիշ գրանցել հաջողվել էր միայն հոլանդացի հարձակվող Ռուդ վան Նիստելրոյին, որը 2002/03 մրցաշրջանում 9 խաղում անընդմեջ աչքի էր ընկել անգլիական «Մանչեսթեր Յունայթեդի» կազմում, գրում է Gracenote Live-ը։
Ռոնալդուն 8 գոլ խփել է Չեմպիոնների լիգայի ընթացիկ մրցաշարում, մեկ գոլ՝ նախորդ։
Հիշեցնենք, որ Փարիզում «Ռեալը» ՊՍԺ-ին հաղթել էր 2։1 հաշվով եւ դուրս եկել քառորդ եզրափակիչ։ Առաջին խաղում եւս ուժեղ էին գտնվել մադրիդցիները (3։1)։
Հետևեք NEWS.am SPORT-ին Facebook-ում, Twitter և Telegram-ում