Օմսկի «Ավանգարդի» եւ Ռուսաստանի երիտասարդական հավաքականի հոկեյիստ Արտեմ Մանուկյանը պատմել է, որ Ռուսաստանում հիմա ավելի շատ հայեր են իրենց երեխաներին տանում հոկեյի:
Ռուսաստանի երիտասարդական հավաքականում այժմ Արտեմ Մանուկյանից բացի հանդես են գալիս նաեւ Անդրեյ Ալտիբարմակյանը եւ Ալեքսեյ Պոլոդյանը:
«Ինձ ամեն շաբաթ են ասում, որ հայկական ազգանունով հոկեյիստ չես դառնա: Ձգտում եմ ուշադրություն չդարձնել: Անիմաստ է վիճելը: Պետք է սառույցի վրա ապացուցել, թե ով է հոկեյիստ: Ազգանունը գլխավորը չէ»,- Արտեմ Մանուկյանի խոսքը մեջբերում է omsk.mk.ru-ն:
Անցած մրցաշրջանում Արտեմ Մանուկյանը ճանաչվել է երիտասարդական լիգայի լավագույն հոկեյիստ:
Ֆոտո՝ omsk.mk.ru
Հետևեք NEWS.am SPORT-ին Facebook-ում, Twitter և Telegram-ում