Իսպանիայի ազգային գվարդիան խուզարկություն է անցկացրել անգլիական «Մանչեսթեր Սիթիի» գլխավոր մարզիչ Խոսեպ Գվարդիոլայի անձնական ինքնաթիռում՝ փնտրելով Կատալոնիայի նախկին նախագահ Կարլես Պուչդեմոնին, հայտնում է Catalunya Radio-ն։
Օրինապահ մարմինները Գվարդիոլայի ինքնաթիռը խուզարկել են Բարսելոնայի «Էլ-Պարտ» օդանավակայանում, որտեղից կատալոնացի մասնագետի ընտանիքը պետք է մեկներ Անգլիա։
Կարլես Պուչդեմոնը Կատալոնիան անկախացնելու անհաջող փորձից հետո փախչել է Բրյուսել։ Ինչ վերաբերում է Գվարդիոլային, «Բարսելոնայի» նախկին գլխավոր մարզիչը կողմ է Կատալոնաիայի անկախացմանն Իսպանիայից։
Սա առաջին դեպքը չէ, երբ Իսպանիայի օրինապահ մարմինները խուզարկում են անձնական ինքնաթիռներ։
Հետևեք NEWS.am SPORT-ին Facebook-ում, Twitter և Telegram-ում