23:33  ,  21 փետրվարի, 2018

Մադրիդի «Ռեալի» կամային հաղթանակը

<

Իսպանիայի առաջնության 16-րդ տուրից տեղափոխված խաղում Մադրիդի «Ռեալը» հյուրընկալվեց «Լեգանեսին» եւ տարավ կամային հաղթանակ՝ 3:1: Ֆրանսիացի Զինեդին Զիդանի գլխավորած թիմը գոլ բաց թողեց արդեն 6-րդ րոպեին, սակայն արդեն առաջին խաղակեսում կարողացավ առաջ անցնել հաշվի մեջ:

Նախ՝ իսպանացի հարձակվող Լուկաս Վասկեսը բրազիլացի կիսապաշտպան Կազեմիրոյի փոխանցումից հետո հավասարեցրեց հաշիվը, ապա՝ Կազեմիրոն օգտագործեց Վասկեսի փոխանցումը եւ հաշիվը դարձրեց 2:1: Վերջին րոպեին էլ 11 մետրանոցից աչքի ընկավ իսպանացի պաշտպան Սերխիո Ռամոսը:

«Ռեալը» 48 միավորով բարձրացավ երրորդ տեղ՝ հետ թողնելով «Վալենսիային» (46): Երկրորդ տեղում գտնվող Մադրիդի «Աթլետիկոն» ունի 55 միավոր, առաջատար «Բարսելոնան»՝ 62 միավոր:

Իսպանիայի առաջնություն, 16-րդ տուրից տեղափոխված խաղ

«Լեգանես» - «Ռեալ»՝ 1:3

Ունաի Բուստինսա, 6 - Լուկաս Վասկես, 11, Կազեմիրո, 29, Սերխիո Ռամոս, 90, 11մ

Հետևեք NEWS.am SPORT-ին Facebook-ում, Twitter և Telegram-ում