Զիդան. Ցանկանում եմ այս մրցաշրջանն ավարտել «Ռեալի» հետ

Մադրիդի «Ռեալի» ֆրանսիացի գլխավոր մարզիչ Զինեդին Զիդանը խոսել է մարզիչի մասնագիտության եւ Արքայական ակումբում իր հետագա ծրագրերի մասին։

«Գլխավոր մարզիչի աշխատանքը հյուծող է, հատկապես, «Ռեալում»։ Ակնհայտ է, որ կլինի մի պահ, երբ անհրաժեշտ կլինի փոփոխություն։ Դա վերաբերում է բոլորին, ոչ միայն մարզիչներին։ Հիմա այդ պահն ինձ համար դեռ չկա, բայց մի օր կլինի։ Այս մասնագիտությունը հյուծող է, «Ռեալում»՝ առավել եւս։ Ինձ համար կարեւոր է, թե ինչով եմ հիմա զբաղվում, ամեն օր։ Ցանկանում եմ այս մրցաշրջանն ավարտել «Ռեալի» հետ»,– Զիդանի խոսքը մեջբերում է Marca–ն։

Հիշեցնենք, որ Չեմպիոնների լիգայի 1/8 եզրափակիչի առաջին խաղում «Ռեալը» տանը 3։1 հաշվով հաղթել է ֆրանսիական ՊՍԺ–ին։

Ֆոտո՝ facebook.com/RealMadrid

Հետևեք NEWS.am SPORT-ին Facebook-ում, Twitter և Telegram-ում