«Գանձասար-Կապանը» հաղթեց Կիպրոսում

Կիպրոսում մարզումային հավաք անցկացնող «Գանձասար-Կապանը» ստուգողական խաղում մրցել է լեհական «Ռուխի» հետ եւ առավելության հասել 2:1 հաշվով:

Կապանյան թիմը երկու գոլն էլ խփել է առաջին խաղակեսում: Նախ՝ 11 մետրանոցն անվրեպ է իրացրել Գեղամ Հարությունյանը, իսկ առաջին խաղակեսի վերջնամասում հաշիվը կրկնապատկել է Վարդան Պողոսյանը։

Երկրորդ կեսում Կարեն Բարսեղյանը փոփոխություններ կատարեց, խաղալու հնարավորություն տվեց նաև թիմում փորձաշրջան անցնող ֆուտբոլիստներին։

Հանդիպման վերջնամասում «Ռուխի» ֆուտբոլիստները կարողացել կրճատել հաշվի տարբերությունը:

«Գանձասար-Կապանը» ստուգողական հաջորդ հանդիպումը կանցկացնի փետրվարի 17-ին, մրցակիցը կլինի Մոսկվայի «Լոկոմոտիվի» դուստր թիմ «Կազանկան»։

Հետևեք NEWS.am SPORT-ին Facebook-ում, Twitter և Telegram-ում