Հարավային Կորեայի Փհենչհան քաղաքում անցկացվող 23-րդ ձմեռային Օլիմպիական խաղերի շորթ-տրեկի տղամարդկանց 1500 մետրում արծաթե մեդալ նվաճած հոլանդացի Շինկի Կնեգտը հայտնվել է սկանդալային իրավիճակում:
Երկրպագուները նկատել են, որ հոլանդացի մարզիկը միջնամատ է ցույց տվել մրցանակաբաշխության արարողության ժամանակ: Երկրպագուները կարծում են, որ դա վիրավորական ժեստ է Հարավային Կորեայի եւ այդ մրցաձեւում հաղթած հարավկորեացի Լիմ Հյո Ջունի հասցեին:
«Դա միայն այդպես երեւաց, որ ես ցուցադրել եմ միջնամատ: Դա միտումնավոր չէր: Պարզապես լուսանկարն էր անհաջող ստացվել, ես չէի ցանկանում նման բան անել: Պարզապես բռնել էի խաղալիքը»,- միջադեպը մեկնաբանել է Շինկի Կնեգտը, փոխանցում է The Korea Times-ը:
Շինկի Կնեգտը 2014-ին եւս հայտնվել էր նմանատիպ իրավիճակում: Եվրոպայի առաջնության ժամանակ նա միջնամատ էր ցուցադրել նաեւ մրցաշարում հաղթած ռուսաստանցի Վիկտոր Անի մեջքի հետեւում: Միջադեպի պատճառով հոլանդացին որակազրկվել էր եւ զրկվել Եվրոպայի առաջնության բրոնզե մեդալից:
Հետևեք NEWS.am SPORT-ին Facebook-ում, Twitter և Telegram-ում
12:03 , 24 ապրիլի 
11:07 , 24 ապրիլի 
10:24 , 24 ապրիլի 
09:05 , 24 ապրիլի 
01:39 , 24 ապրիլի 
01:01 , 24 ապրիլի 
00:54 , 24 ապրիլի 
23:09 , 23 ապրիլի 
22:35 , 23 ապրիլի 
22:11 , 23 ապրիլի 
