Իտալական «Միլանը» պաշտոնապես հայտարարել է տեխնիկական հովանավորի փոփոխության մասին։
Հաջորդ մրցաշրջանից «Միլանի» համազգեստը կպատրաստի Puma-ն։
1998 թվականից իտալական ակումբը համագործակցում է Adidas-ի հետ, որի հետ գործող պայմանագիրը կխզվի 2018-ի ամռանը։ 19.7 միլիոն եվրո արժողությամբ պայմանագիրը նախատեսված է մինչեւ 2023 թվականը, սակայն կողմերը որոշել են խզել այն 2018-ի հունիսին:
Իտալական մամուլի համաձայն՝ գերմանական ընկերությունը պայմանագիրը խզելու հնարավորությունից որոշել է օգտվել այն բանից հետո, երբ «Միլանի» սեփականատերերը դարձան չինացի ներդրողները:
Հետևեք NEWS.am SPORT-ին Facebook-ում, Twitter և Telegram-ում