Ֆուտբոլի Հայաստանի չեմպիոն «Ալաշկերտն» այս գիշեր կմեկնի Թուրքիայի Բելեկ քաղաք, որտեղ փետրվարի 10-24-ը տեղի կունենա թիմի վերջին մարզումային հավաքը ձմեռային նախապատրաստական փուլի ընթացքում:
Ալաշկերտցիները երեք ստուգողական հանդիպում կանցկացնեն ուժեղ մրցակիցների հետ: Փետրվարի 15-ին «Ալաշկերտը» կխաղա Ռուսաստանի Պրեմյեր լիգայում հանդես եկող Պերմի «Ամկարի» հետ, փետրվարի 19-ին` Ռուսաստանի առաջին դիվիզիոնում (ՖԱԼ) խաղացող Կրասնոդարի «Կուբանի» հետ, իսկ հավաքի վերջին խաղում թիմը փետրվարի 22-ին կհանդիպի Ղազախստանի Բարձրագույն խմբում հանդես եկող «Ատիրաու» թիմի հետ, հաղորդում է «Ալաշկերտի» մամուլիծառայությունը:
«Ալաշկերտի» կազմում փորձաշրջան կանցնեն մի քանի պոտենցիալ նորեկներ:
Հետևեք NEWS.am SPORT-ին Facebook-ում, Twitter և Telegram-ում