Երեւանում փետրվարի 15-ից 18-ը կանցկացվի բասկետբոլի մրցավարական սեմինար, որին կմասնակցեն Հայաստանի լավագույն մրցավարները: Հայաստանի բասկետբոլի ֆեդերացիայի եւ ՖԻԲԱ-Եվրոպայի հրավերով սեմինարը կվարի իսպանացի հայտնի մասնագետ Ֆերնանդո Գարսոնը, հայտնում է ՀԲՖ մամուլի ծառայությունը։
Սեմինարի ընթացքում հայ մրցավարները կսպասարկեն նաեւ Հայաստանի մինչեւ 12-13 տարեկանների առաջնության եզրափակիչ հանդիպումները, որոնք կկայանան Օլիմպավանում:
Ֆերնանդո Գարսոնը փորձառու մրցավար է, որը վերջին տարիներին զբաղվում է մրցավարների վերապատրաստմամբ՝ համագործակցելով ՖԻԲԱ-ի եւ Իսպանիայի բասկետբոլի ֆեդերացիայի հետ:
Հետևեք NEWS.am SPORT-ին Facebook-ում, Twitter և Telegram-ում