Լոնդոնի «Չելսիի» հարձակվող Միշի Բատշուային տեղափոխվել է Դորտմունդի «Բորուսիա», հաղորդում է գերմանական ակումբի մամուլի ծառայությունը:
24-ամյա բելգիացի ֆուտբոլիստը «Բորուսիայում» հանդես կգա վարձակալությամբ: Պայմանագիրը նախատեսված է մինչեւ այս մրցաշրջանի ավարտը:
Նոր թիմում Բատշուային կխաղա 44 համարի խաղաշապիկով:
Բատշուային ընդգրկված է եղել Պյեր-Էմերիկ Օբամեյանգի տրանսֆերի գործարքում, որով գաբոնցի հարձակվողը «Բորուսիայից» տեղափոխվեց «Արսենալ», իսկ «Չելսին» «Արսենալից» գնեց ֆրանսիացի հարձակվող Օլիվյե Ժիրուին:
Ֆոտո՝ twitter.com/BVB
Հետևեք NEWS.am SPORT-ին Facebook-ում, Twitter և Telegram-ում