| Ladies and gentlemen, please take your seats. Introducing #Pete6... #SIWY #MFC
— Motherwell FC (@MotherwellFC) January 23, 2018
Are we doing this right, @ManUtd? pic.twitter.com/4d14hXW7bN
Շոտլանդական «Մոտերուելը» հումորային անդրադարձ է կատարել «Մանչեսթեր Յունայթեդ» նորեկ Ալեքսիս Սանչեսի շնորհանդեսին նվիրված հոլովակին:
«Մոտերուելը» թիմի նորեկ Պիտեր Հարթլիին ներկայացրել է այնպես, ինչպես «Մանչեսթեր Յունայթեդն» էր օրեր առաջ ներկայացրել Լոնդոնի «Արսենալից» տեղափոխված չիլիացի հարձակվողին:
«Մոտերուելի» հոլովակում 29-ամյա ֆուտբոլիստը նվագում է փոքրիկ դաշնամուրի վրա, իսկ հետո անձրեւի ներքո դուրս է գալիս խաղադաշտ: Սակայն, ի տարբերություն Ալեքսիս Սանչեսի, Պիտեր Հարթլին հոլովակի վերջում կոտրում է դաշնամուրը:
«Արդյո՞ք մենք ճիշտ արեցինք ամեն բան»,- Թվիթերում գրել է «Մոտերուելի» մամուլի ծառայությունը՝ դիմելով «Մանչեսթեր Յունայթեդին»:
Հիշեցնենք, որ «Մանչեսթեր Յունայթեդն» Ալեքսիս Սանչեսին փոխանակել էր Հայաստանի ազգային հավաքականի 29-ամյա կիսապաշտպան Հենրիխ Մխիթարյանի հետ, որը հունվարի 22-ին երկարաժամկետ պայմանագիր էր կնքել «Արսենալի» հետ:
Ladies and gentlemen, please take your seats. Introducing #Alexis7…#GGMU #MUFC @Alexis_Sanchez pic.twitter.com/t9RIIx4mE4
— Manchester United (@ManUtd) January 22, 2018
Հետևեք NEWS.am SPORT-ին Facebook-ում, Twitter և Telegram-ում