George Weah sworn in as Liberia's president, country's first transition between democratically-elected leaders since 1944 #GeorgeWeah pic.twitter.com/m6WfXI1YE3
— AFP news agency (@AFP) January 22, 2018
«Ոսկե գնդակ-1995»-ի դափնեկիր, Լիբերիայի նորընտիր նախագահ Ջորջ Վեան անցել է իր պարտականություններին, փոխանցում է AFP-ն:
Լիբերիայում կայացել է 51-ամյա նախկին ֆուտբոլիստի երդմնակալության արարողությունը: 1944 թվականից հետո Ջորջ Վեան Լիբերիայի առաջին նախագահն է, որը երկրի կառավարումը սկսում է իշխանության խաղաղ փոխանցումից հետո:
Հիշեցնենք, որ Վեան Լիբերիայի նախագահական ընտրություններում հաղթել էր երկրորդ փուլում: Նա Լիբերիայի նախագահի թեկնածու եղել էր նաեւ 2005 թվականին, սակայն հավաքել էր 28 տոկոս ձայն եւ պարտվել Էլեն Ջոնսոն-Սերլիֆին, որը դարձավ Աֆրիկայի պատմության առաջին կին նախագահը։
Ֆուտբոլիստի կարիերայի ընթացքում Ջորջ Վեան հանդես է եկել «Մոնակոյում», ֆրանսիական ՊՍԺ-ում, իտալական «Միլանում», անգլիական «Մանչեսթեր Սիթիում» ու «Չելսիում», ֆրանսիական «Մարսելում» ու արաբական «Ալ Ջազիրայում»։ ՖԻՖԱ-ն նրան ճանաչել է 20-րդ դարի լավագույն ֆուտբոլիստ։ 1989, 1994 ու 1995 թվականներին նա ճանաչվել էր Աֆրիկայի լավագույն ֆուտբոլիստ:
Վեան միակ աֆրիկացի ֆուտբոլիստն է, որն արժանացել է «Ոսկե գնդակին»:
Հետևեք NEWS.am SPORT-ին Facebook-ում, Twitter և Telegram-ում