Չէի կարող հրաժարվել պատմական «Օլդ Տրաֆորդում» խաղալու հնարավորությունից, ասել է Լոնդոնի «Արսենալից» «Մանչեսթեր Յունայթեդ» տեղափոխված չիլիացի հարձակվող Ալեքսիս Սանչեսը, որի տրանսֆերային գործարքով մանչեսթերյան ակումբից «Արսենալ» տեղափոխվեց Հայաստանի հավաքականի ավագ Հենրիխ Մխիթարյանը:
«Ես շատ ուրախ եմ միանալ աշխարհի մեծագույն ակումբին: Հրաշալի 3.5 տարի եմ անցկացրել «Արսենալում»: Հեռացա այդ ակումբի եւ թիմի երկրպագուների հետ կապված շատ դրական հիշողություններով:
Աներեւակայելի մի բան է այս պատմական ստադիոնում խաղալու շանսն ու Ժոզե Մոուրինյոյի հետ աշխատելու հնարավորությունը: Ես չէի կարող հրաժարավել այս ամենից: Հպարտ եմ լինել առաջին չիլիացի ֆուտբոլիստը «Մանչեսթեր Յունայթեդի» առաջին թիմում: Հույս ունեմ, որ կկարողանամ մեր բոլոր երկրպագուներին ցույց տալ, թե ինչու է ակումբը հրավիրել ինձ»,- Ալեքսիս Սանչեսի խոսքը մեջբերում է «Մանչեսթեր Յունայթեդի» մամուլիծառայությունը:
Նշենք, որ «Մանչեսթեր Յունայթեդը» դեռ 2011 թվականին ցանկացել է իտալական «Ուդինեզեից» ձեռք բերել Ալեքսիս Սանչեսին, սակայն նա նախընտրել է կարիերան շարունակել «Բարսելոնայում», որի գլխավոր մարզիչն այն ժամանակ Խոսեպ ԳՎարդիոլան էր։ Այդ մասին պատմել էր «Մանչեսթեր Յունայթեդի» նախկին գլխավոր մարզիչ Ալեքս Ֆերգյուսոնը:
Հետևեք NEWS.am SPORT-ին Facebook-ում, Twitter և Telegram-ում
13:44 , 19 ապրիլի 
13:15 , 19 ապրիլի 
12:50 , 19 ապրիլի 
12:14 , 19 ապրիլի 
11:40 , 19 ապրիլի 
11:09 , 19 ապրիլի 
10:43 , 19 ապրիլի 
10:12 , 19 ապրիլի 
09:42 , 19 ապրիլի 
09:04 , 19 ապրիլի 
