Լոնդոնի «Արսենալի» եւ Լիվերպուլի «Էվերտոնի» նախկին հարձակվող Քեւին Քեմփբելը վստահ է, որ Հայաստանի հավաքականի կիսապաշտպան Հենրիխ Մխիթարյանը հավասարազոր կփոխարինի չիլիացի հարձակվող Ալեքս Սանչեսին «Արսենալում»:
«Սանչեսի կարիքն «Արսենալն» արդեն չուներ: Մխիթարյանը կկարողանա լիարժեք փոխարինել նրան: Եթե Օզիլն էլ հեռանա, ապա Մխիթարյանը կդառնա խաղարկող: Դժվար է կանխետեսել, թե ինչպես կհամագործակցեն Մխիթարյանն ու Օզիլը: Սակայն «Արսենալին» անհրաժեշտ է ուժեղացնել նաեւ պաշտպանությունը»,- Քեմփբելի խոսքը մեջբերում է Sky Sports-ը:
Այժմ Սանչեսը սպասում է Մեծ Բրիտանիայում աշխատանքի իրավունքի երկարաձգմանը եւ «Մանչեսթեր Յունայթեդի» հետ պայմանագիր կնքելուն։ Նրա տրանսֆերի գործարքում ներառված է Հայաստանի հավաքականի կիսապաշտպան Հենրիխ Մխիթարյանի տեղափոխությունը «Մանչեսթեր Յունայթեդից» «Արսենալ»։ Հայ ֆուտբոլիստը հունվարի 21–ին Լոնդոնում նշել է ծննդյան 29–րդ տարեդարձը եւ սպասում է գործարքի ավարտին։ Երկու ֆուտբոլիստներն էլ փաստաթղթերի ձեւակերպման համար հունվարի 22-ին ներկայացել են Լիվերպուլում գտնվող ներգաղթային կենտրոն:
Հետևեք NEWS.am SPORT-ին Facebook-ում, Twitter և Telegram-ում