Աշխարհի առաջին ռակետ Ռաֆայել Նադալը դուրս եկավ Մելբուրնում ընթացող թենիսի Ավստրալիայի բաց առաջնության քառորդ եզրափակիչ:
Չորրորդ շրջանում իսպանացի թենիսիստը 4 սեթում ուժեղ գտնվեց արգենտինացի Դիեգո Շվարցմանից՝ 6:3, 6:7, 6:3, 6:3: Մրցախաղը տեւեց 3 ժամ 52 րոպե:
Քառորդ եզրափակիչում Նադալը կհանդիպի խորվաթ Մարին Չիլիչին, որը 4 սեթում հաղթեց իսպանացի Պոբլո Կարենյո-Բուստային:
Կանանց մրցաշարում աշխարհի երկրորդ ռակետ Կարոլին Վոզնյացկին 6:3, 6:0 հաշվով պարտության մատնեց սլովակ Մագդալենա Ռիբարիկովային: Դանիացի թենիսիստուհու հաջորդ մրցակիցը կլինի իսպանացի Կարլա Սուարես-Նավարոն:
Հետևեք NEWS.am SPORT-ին Facebook-ում, Twitter և Telegram-ում