Դորտմունդի «Բորուսիայի» գաբոնցի հարձակվող Պյեր-Էմերիկ Օբամեյանգը համաձայնության է հասել Լոնդոնի «Արսենալի» հետ անձնական պայմանագրի կետերի վերաբերյալ, հաղորդում է բրիտանական Daily Mirror-ը: Նրա տրանսֆերի գինը կարող է կազմել 60 միլիոն եվրո։
Հունվարի 14-ին հայտնի էր դարձել, որ Օբամեյանգը կարգապահական պատճառներով չի մասնակցելու «Վոլֆսբուրգի» դեմ գերմանական Բունդեսլիգայի 18-րդ տուրի խաղին (0:0): Բեռլինի «Հերտայի» դեմ հաջորդ տուրի հանդիպմանը գաբոնցի հարձակվողը կմասնակցի: Հունվարի 16-ին ֆուտբոլիստը վերսկսել է մարզումները գերմանական թիմի ընդհանուր խմբի հետ: Գերմանիայի ընթացիկ առաջնությունում 28-ամյա ֆուտբոլիստը 15 խաղում դարձել է 13 գոլի հեղինակ:
Հետևեք NEWS.am SPORT-ին Facebook-ում, Twitter և Telegram-ում