Ֆուտբոլի միջազգային ֆեդերացիան կողմ է ամռանը Ռուսաստանում կայանալիք աշխարհի առաջնության ժամանակ կրկնապատկերի համակարգի կիրառմանը, հաղորդում է AS-ը: Այս հարցի վերաբերյալ որոշման իրավունքը պատկանում է Ֆուտբոլային ասոցիացիաների միջազգային խորհրդին, որի նիստը տեղի կունենա հունվարի 22-ին:
Դրական որոշման դեպքում, ՖԻՖԱ-ն պետք է կազմի համակարգը սպասարկելիք մրցավարների ցուցակ:
Համակարգը հաջողությամբ կիրառվել է 2017թ. Կոնֆեդերացիաների գավաթի խաղարկությունում եւ 2017թ. աշխարհի ակումբային առաջնությունում: Այն օգտագործվում է նաեւ Գերմանիայի եւ Իտալիայի առաջնություններում:
2018թ. աշխարհի առաջնությունը Ռուսաստանի 11 քաղաքներում տեղի կունենա հունիսի 14-ից հուլիսի 15-ը:
Հետևեք NEWS.am SPORT-ին Facebook-ում, Twitter և Telegram-ում