Իտալական «Ինտերի» հարձակվող Մաուրո Իկարդին բուժզննում է անցել Մադրիդի «Ռեալի» համար, հաղորդում է Daily Express-ը:
24-ամյա արգենտինացին այս շաբաթ կարող է դառնալ Արքայական ակումբի ֆուտբոլիստ: Իկարդիի տրանսֆերը գնահատվում է 110 միլիոն եվրո:
Նշվում է, որ «Ռեալի» գլխավոր մարզիչ Զինեդին Զիդանը կողմ չէ Իկարդիի տրանսֆերին, քանի որ շարունակում է վստահել ֆրանսիացի հարձակվող Քարիմ Բենզեմային:
Ընթացիկ մրցաշրջանում արգենտինացի հարձակվողն «Ինտերի» կազմում 22 հանդիպում է անցկացրել բոլոր մրցաշարերում եւ դարձել 18 գոլի հեղինակ: Նրա գործող պայմանագիրը նախատեսված է մինչեւ 2021 թվականի ամառը: Իկարդին 2013-ից է խաղում իտալական ակումբում:
Հետևեք NEWS.am SPORT-ին Facebook-ում, Twitter և Telegram-ում