Սանկտ Պետերբուրգում անցկացված Վ. Սալնիկովի ավանդական միջազգային մրցաշարին Հայաստանի լողորդներից մասնակցել են Արթուր Բարսեղյանը, Լեւոն Խաչատրյանը եւ Լեոն Վարդանյանը:
Հայ լողորդները հաջող են հանդես եկել եւ թարմացրել են ինչպես Հայաստանի, այնպես էլ անձնական ռեկորդներ: Արթուր Բարսեղյանը 50 մետր բաթերֆլայ լողաձեւում Հայաստանի ռեկորդ է սահմանել 25.19 վայրկյան արդյունքով, իսկ 100 մետր ազատ ոճում թարմացրել է իր անձնական ռեկորդը:
Լեւոն Խաչատրյանն իր անձնական ցուցանիշերը բարելավել է 50 եւ 100 մետր բրասում, իսկ Լեոն Վարդանյանը՝ 50 մետր բրասում:
Այդ մրցաշարով Լողի հայկական դաշնության մարզիկները եզրափակել են մրցաշրջան 2017-ը, հայտնում է ՀԱՕԿ-ի կայքը:
Հետևեք NEWS.am SPORT-ին Facebook-ում, Twitter և Telegram-ում