Ամերիկյան «Ֆինիքս Ռայսինի» հարձակվող Դիդյե Դրոգբան եւ կարիերան ավարտած Յուրի Ջորկաեֆը դարձել են Ֆրանսիայի Պրոֆեսիոնալ ֆուտբոլային լիգայի (LFP) դեսպաններ: Լիգայի մեջ ընդգրկված են Լիգա1-ը, Լիգա2-ը, երրորդ դիվիզիոնն ու Լիգայի գավաթի խաղարկությունը:
«Ես հպարտ եմ, որ ներկայացնում եմ LFP-ն: Ֆրանսիական ֆուտբոլն ու առաջնությունը ինձ շատ բան են տվել: Այս կազմակերպության դեսպանի կարգավիճակում կկարողանամ նպաստել առաջնության զարգացմանը»,- Դրոգբայի խոսքը մեջբերում է LFP-ի թվիթերյան էջը:
Դրոգբան Ֆրանսիա է տեղափոխվել ընտանիքի հետ 5 տարեկանում: Պրոֆեսիոնալ կարիերայի ընթացքում նա հանդես է եկել ֆրանսիական «Լե Մանում», «Գենգամում» եւ «Մարսելում»: Յուրի Ջորկաեֆը Ֆրանսիայի հավաքականի կազմում դարձել է աշխարհի ու Եվրոպայի չեմպիոն:
Հետևեք NEWS.am SPORT-ին Facebook-ում, Twitter և Telegram-ում