Հայաստանի ազգային հավաքականի եւ «Ուրարտուի» բասկետբոլիստ Էդգար Բաբայանը լրագրողների հետ հանդիպմանը խոսել է Հայաստանում բասկետբոլի զարգացման եւ խնդիրների մասին, փոխանցում է NEWS.am Sport-ի թղթակիցը:
Այս հանգստյան օրերին ավարտվել է բասկետբոլի Հայաստանի «Ա» լիգայի կանոնավոր առաջնության առաջին շրջանը, իսկ առաջատարը «Ուրարտու» թիմն է: Ըստ ՀԲՖ-ի կազմած վիճակագրության՝ «Ա» լիգայի ամենաարդյունավետ բասկետբոլիստներ են ճանաչվել Ալեքսա Սիմովիչը («Արցախ»), Արման Հակոբյանը («Արթիկ») եւ Էդգար Բաբայանը («Ուրարտու»):
«Հայաստանում բասկետբոլը սկսել է մեծ զարգացում ապրել: Դրան բոլորն ականատես եղան անցնող տարում: Երկու-երեք տարի առաջ մենք չունեինք այսպիսի հետաքրքրություն այս մարզաձեւի նկատմամբ: Ես ծնվել եւ ապրել եմ Օմսկում, խաղացել եմ այնտեղ, բայց ինքս որոշել եմ, որ պետք է հանդես գամ Հայաստանի հավաքականի կազմում: Այս պահին Ռուսաստանում ընդունվել է մարզիկի համար հատուկ լեգեոնականների օրենք, որը դեռ չի կիրառվում: Կան որոշ խոչընդոտներ, որոնք դեռ վերջնական լուծված չեն:
Եթե այս տեմպերով շարունակվի, հայկական բասկետբոլը մեծ հաջողությունների կհասնի: Իրականում, կան մեծ խնդիրներ, որոնց հետ մենք առնչվեցինք Ա լիգայի հանդիպումների ընթացքում: Նախ կա մրցավարների մեծ խնդիր: Մրցավարների բանիմացությունը դեռ այն մակարդակի չէ, ինչն այսօր պահանջում է միջազգային բասկետբոլը: Մարզադահլիճներն անմխիթար վիճակում են: «Շիրակի» դեմ արտագնա խաղի ժամանակ դրսում ավելի տաք էր, քան դահլիճում: Էլ չեմ խոսում դահլիճի հատակի մասին, գնդակներն իրենք իրենց «թռնում» էին: Բոլոր դահլիճներում գնդակները տարբեր են, ինչն ընդունված չէ համաշխարհային բասկետբոլում: Պետք է խաղալ նույն` բասկետբոլի համար նախատեսված գնդակներով»,- ասաց Էդգար Բաբայանը:
Լուսինե Շահբազյան
Հետևեք NEWS.am SPORT-ին Facebook-ում, Twitter և Telegram-ում
01:09 , 25 ապրիլի 
00:59 , 25 ապրիլի 
00:15 , 25 ապրիլի 
00:05 , 25 ապրիլի 
23:02 , 24 ապրիլի 
21:57 , 24 ապրիլի 
21:33 , 24 ապրիլի 
21:29 , 24 ապրիլի 
20:24 , 24 ապրիլի 
20:04 , 24 ապրիլի 
