«Մանչեսթեր Յունայթեդի» նախկին գլխավոր մարզիչ Լուի վան Գալը պատմել է, որ մտադիր չէր վերսկսել մարզչական կարիերան, սակայն դա կարող է անել մեկ պատճառով:
«Հնարավոր է, որ այլեւս չեմ զբաղվի ակումբային աշխատանքով: Սակայն կարող եմ բացառություն անել, եթե առաջարկ ստանամ Պրեմյեր լիգայի ակումբից: Այդ ժամանակ կունենամ «Մանչեսթեր Յունայթեդի» հարցերը լուծելու հնարավորություն»,- հոլանդացի մասնագետի խոսքը մեջբերում է Mirror-ը:
Հիշեցնենք, որ 66-ամյա Լուի վան Գալը «Մանչեսթեր Յունայթեդը» գլխավորել է 2014-2016-ը, իսկ դրանից հետո հայտարարել է մարզչական կարիերան ավարտելու մասին: Վերջերս նա քննադատել էր «Մանչեսթեր Յունայթեդի» գլխավոր մարզիչ Ժոզե Մոուրինյոյին:
Հետևեք NEWS.am SPORT-ին Facebook-ում, Twitter և Telegram-ում