20:07  ,  17 դեկտեմբերի, 2017

«Մանչեսթեր Յունայթեդն» արտագնա հաղթանակ տարավ

Անգլիական Պրեմյեր լիգայի 18-րդ տուրում «Մանչեսթեր Յունայթեդն» առանց Հենրիխ Մխիթարյանի 2:1 հաշվով արտագնա հաղթանակ տարավ «Վեստ Բրոմվիչի» նկատմամբ:

Առաջին խաղակեսում Ժոզե Մոուրինյոյի գլխավորած թիմը 2 գոլի առավելություն ստացավ բելգիացի հարձակվող Ռոմելու Լուկակուի եւ անգլիացի կիսապաշտպան Ջեսի Լինգարդի դիպուկ հարվածների շնորհիվ, իսկ դաշտի տերերը հաշիվը կրճատեցին 77-րդ րոպեին: Աչքի ընկավ Անգլիայի հավաքականի նախկին կիսապաշտպան Գարեթ Բերին, որը փոխարինման էր դուրս եկել ընդմիջմանը:

Հայաստանի հավաքականի կիսապաշտպան Հենրիխ Մխիթարյանը դարձյալ բացակայում էր մանչեսթերցիների հայտացուցակից: Մխիթարյանը հայտավորվել է «Մանչեսթեր Յունայթեդի» վերջին 9 խաղերից միայն մեկին՝ դուրս գալով փոխարինման: Ավելի վաղ «Մանչեսթեր Յունայթեդի» գլխավոր մարզիչ Ժոզե Մոուրինյոն հայտարարել էր, որ ձմռանն անգլիական ակումբը կփորձի վաճառել 28-ամյա կիսապաշտպանին:

Այս հաղթանակից հետո «Մանչեսթեր Յունայթեդը» 41 միավորով մնաց երկրորդ տեղում եւ շարունակում է 11 միավոր զիջել առաջատար «Մանչեսթեր Սիթիին»:

Անգլիայի առաջնություն, 18-րդ տուր

«Վեստ Բրոմվիչ» - «Մանչեսթեր Յունայթեդ»՝ 1:2

Գարեթ Բերի, 77 – Ռոմելու Լուկակու, 27, Ջեսի Լինգարդ, 35

«Մանչեսթեր Յունայթեդ». Դավիդ Դե Խեա, Անտոնիո Վալենսիա (Մարկոս Ռոխո, 66), Քրիս Սմոլինգ, Ֆիլ Ջոնս, Էշլի Յանգ, Նեմանյա Մատիչ, Անդեր Էրերա, Խուան Մատա, Ջեսի Լինգարդ (Սքոթ Մաքթոմինայ, 86), Մարկուս Ռեշֆորդ (Անտոնի Մարտիալ, 79), Ռոմելու Լուկակու:

Հետևեք NEWS.am SPORT-ին Facebook-ում, Twitter և Telegram-ում