«Ռեալը» միակ թիմն էր, որ վիճակահանության ժամանակ չէի ցանկանում՝ բաժին հասներ ՊՍԺ-ին։ Այդ մասին ասել է Ֆրանսիայի հավաքականի եւ փարիզյան ՊՍԺ-ի նախկին ֆուտբոլիստ Յուրի Ջորկաեֆը՝ խոսելով Չեմպիոնների լիգայի 1/8 եզրափակիչի վիճակահանության արդյունքի մասին։
«Իր որակներով ՊՍԺ-ն գերազանցում է Չեմպիոնների լիգայի 1/8 եզրափակիչ դուրս եկած մյուս թիմերին։ Բայց «Ռեալը» բարդ է։ Արքայական ակումբը Չեմպիոնների լիգայի նախորդ չորս մրցաշրջաններից երեքում նվաճել է գավաթը։
ՊՍԺ-ի եւ «Ռեալի» դիմակայությանը կհետեւի ամբողջ աշխարհը։ Եթե փարիզյան թիմը կարողանա հաղթահարել «Ռեալ» արգելքը, ապա կարող է Չեմպիոնների լիգայի գավաթը նվաճելու հույսեր փայփայել։ Դա նրանց վստահություն կհաղորդի, եւ նրանք կկարողանան գնալ մինչեւ վերջ»,- Ջորկաեֆի խոսքը մեջբերում է Le Parisien-ը։
Չեմպիոնների լիգա, 1/8 եզրափակիչ
«Յուվենտուս» (Իտալիա) - «Տոտենհեմ» (Անգլիա)
«Բազել» (Շվեյցարիա) - «Մանչեսթեր Սիթի» (Անգլիա)
«Պորտու» (Պորտուգալիա) - «Լիվերպուլ» (Անգլիա)
«Սեւիլիա» (Իսպանիա) - «Մանչեսթեր Յունայթեդ» (Անգլիա)
«Ռեալ» (Իսպանիա) - ՊՍԺ (Ֆրանսիա)
«Շախտյոր» (Ուկրաինա) - «Ռոմա» (Իտալիա)
«Չելսի» (Անգլիա) - «Բարսելոնա» (Իսպանիա)
«Բավարիա» (Գերմանիա) - «Բեշիկթաշ» (Թուրքիա)
Առաջինը նշված թիմերը առաջին խաղերը կանցկացնեն տանը
Հետևեք NEWS.am SPORT-ին Facebook-ում, Twitter և Telegram-ում