Իսպանիայի վարչապետ Մարիանո Ռախոյը բացառել է իրադարձությունների զարգացումը, որի հետեւանքով Իսպանիայի հավաքականը կարող է զրկվել աշխարհի առաջնության ուղեգրից Իսպանիայի ֆուտբոլի ֆեդերացիայի գործերին պետական մարմինների միջամտության պատճառով, հաղորդում է Marca-ն:
Իսպանիաի Բարձրագույն մարզական խորհուրդը ֆուտբոլի ֆեդերացիայի նախագահ Անխել Մարիա Վիլյարին հեռացրել էր պաշտոնից կոռուպցիայի մեղադրանքների պատճառով: Բարձրագույն խորհուրդը նախատեսում է անցկացնել ֆեդերացիայի նախագահի ընտրություն, ինչը Ֆուտբոլի միջազգային ֆեդերացիայի կարծիքով՝ պետության միջամտություն է ֆեդերացիայի գործերին:
Իսպանիայի կրթության, մշակույթի եւ սպորտի նախարար Ինյիգո Մեդես դե Վիգոն առաջիկայում հանդիպում կունենա Իսպանիայի ֆուտբոլի ֆեդերացիայի գործող ղեկավար Խուան Լուիս Լարեայի հետ եւ կնքնարկի ստեղծված իրավիճակը:
Աշխարհի առաջնությունը կանցկացվի 2018թ. հունիսի 14-ից հուլիսի 15-ը Ռուսաստանի 11 քաղաքներում: B խմբում Իսպանիայի հավաքականի մրցակիցները կլինեն Պորտուգալիայի, Մարոկկոյի եւ Իրանի թիմերը:
Հետևեք NEWS.am SPORT-ին Facebook-ում, Twitter և Telegram-ում