Ֆուտբոլի Բրազիլիայի հավաքականի, «Գրեմիոյի», ՊՍԺ-ի, «Բարսելոնայի», «Միլանի» նախկին խաղացող Ռոնալդինյոն որոշել է զբաղվել քաղաքական գործունեությամբ, հաղորդում է football-italia-ն։
37-ամյա Ռոնալդինյոն կմասնակցի Բրազիլիայի Սենատի ընտրություններին։ Նա ընդգրկված կլինի Սոցիալ-քրիստոնեական կուսակցության ցուցակում Մինաս-Ժերայս նահանգից։ Առաջադրման պաշտոնական վերջնաժամկետը 2018թ․ մարտն է։
Ռոնալդինոյն առայժմ պաշտոնապես չի առաջադրվել, սակայն նա Բրազիլիայի նախագահի թեկնածու, Սոցիալ-քրիստոնեական կուսակցության նախագահ Ժաիր Բոլսոնարոյի թիմից է։
Հիշեցնենք, որ Բրազիլիայի հավաքականի նախկին ֆուտբոլիստներից Ռոմարիոն արդեն բրազիլական Սենատի անդամ է։
Հետևեք NEWS.am SPORT-ին Facebook-ում, Twitter և Telegram-ում