Լոնդոնում ավարտին մոտեցող London Chess Classic սուպերմրցաշարում դեկտեմբերի 11-ին տեղի կունենա վերջին՝ 9-րդ տուրը:
Հայկական շախմատի առաջատար Լեւոն Արոնյանը սպիտակ ֆիգուրներով ուժերը կչափի աշխարհի գործող չեմպիոն, նորվեգացի Մագնուս Կարլսենի հետ, որը նախորդ տուրում սպիտակներով պարտվել էր ռուս Յան Նեպոմնյաշչուն: Տուրի բոլոր պարտիաները կմեկնարկեն Երեւանի ժամանակով 16:00-ին:
Նախորդ 8 տուրերի բոլոր պարտիաները հայ գրոսմայստերն ավարտել է ոչ ոքի եւ 4 միավորով բաժանում է 4-7-րդ տեղերը:
3 անընդմեջ հաղթանակներից հետո մրցաշարային աղյուսակը միանձնյա գլխավորում է Յան Նեպոմնյաշչին, որն ունի 5.5 միավոր: Երկրորդ տումում գտնվող Ֆաբիանո Կարուանան հավաքել է 5 միավոր, իսկ լավագույն եռյակը եզրափակող Մաքսիմ Վաշյե-Լագրավը՝ 4.5:
Հիշեցնենք, որ London Chess Classic-ը Grand Chess Tour-ի վերջին փուլն է:
London Chess Classic, 9-րդ տուր
Լեւոն Արոնյան (Հայաստան) - Մագնուս Կարլսեն (Նորվեգիա)
Յան Նեպոմնյաշչի (Ռուսաստան) - Մաքսիմ Վաշյե-Լագրավ (Ֆրանսիա)
Ֆաբիանո Կարուանա (ԱՄՆ) - Մայքլ Ադամս (Անգլիա)
Սերգեյ Կարյակին (Ռուսաստան) - Հիկարու Նակամուրա (ԱՄՆ)
Վիշվանաթան Անանդ (Հնդկաստան) - Ուեսլի Սո (ԱՄՆ)
Մրցաշարային դրությունը վերջին տուրից առաջ. Նեպոմնյաշչի՝ 5.5 միավոր, Կարուանա՝ 5, Վաշյե-Լագրավ՝ 4.5, Կարլսեն, Արոնյան, Նակամուրա, Սո՝ 4-ական, Անանդ, Կարյակին, Ադամս՝ 3-ական:
Հետևեք NEWS.am SPORT-ին Facebook-ում, Twitter և Telegram-ում