Ռուսաստանցի Յան Նեպոմնյաշչին Լոնդոնում ավարտին մոտեցող London Chess Classic սուպերմրցաշարում տարավ երրորդ անընդմեջ հաղթանակը եւ միանձնյա գլխավորեց մրցաշարային աղյուսակը:
Նախավերջին՝ 8-րդ տուրում ռուս գրոսմայստերը սեւերով հաղթեց աշխարհի գործող չեմպիոն, նորվեգացի Մագնուս Կարլսենին եւ վաստակեց 5.5 միավոր:
Տուրի մյուս բոլոր պարտիաներն ավարտվեցին ոչ ոքի: Հայկական շախմատի առաջատար Լեւոն Արոնյանը սեւերով 27-րդ քայլում ոչ ոքի խաղաց անգլիացի Մայքլ Ադամսի հետ եւ 4 միավորով բաժանում է 4-7-րդ տեղերը:
Երկրորդ տումում գտնվող Ֆաբիանո Կարուանան ունի 5 միավոր, իսկ լավագույն եռյակը եզրափակող Մաքսիմ Վաշյե-Լագրավը՝ 4.5:
Դեկտեմբերի 11-ին կայանալիք վերջին տուրում Արոնյանը սպիտակներով կխաղա Մագնուս Կարլսենի հետ:
Հիշեցնենք, որ London Chess Classic-ը Grand Chess Tour-ի վերջին փուլն է:
London Chess Classic, 8-րդ տուր
Մայքլ Ադամս (Անգլիա) - Լեւոն Արոնյան (Հայաստան)՝ 0.5:0.5
Մագնուս Կարլսեն (Նորվեգիա) - Յան Նեպոմնյաշչի (Ռուսաստան)՝ 0:1
Հիկարու Նակամուրա (ԱՄՆ) - Ֆաբիանո Կարուանա (ԱՄՆ)՝ 0.5:0.5
Ուեսլի Սո (ԱՄՆ) - Սերգեյ Կարյակին (Ռուսաստան)՝ 0.5:0.5
Մաքսիմ Վաշյե-Լագրավ (Ֆրանսիա) - Վիշվանաթան Անանդ (Հնդկաստան)՝ 0.5:0.5
Մրցաշարային դրությունը վերջին տուրից առաջ. Նեպոմնյաշչի՝ 5.5 միավոր, Կարուանա՝ 5, Վաշյե-Լագրավ՝ 4.5, Կարլսեն, Արոնյան, Նակամուրա, Սո՝ 4-ական, Անանդ, Կարյակին, Ադամս՝ 3-ական:
9-րդ տուր
Լեւոն Արոնյան (Հայաստան) - Մագնուս Կարլսեն (Նորվեգիա)
Յան Նեպոմնյաշչի (Ռուսաստան) - Մաքսիմ Վաշյե-Լագրավ (Ֆրանսիա)
Ֆաբիանո Կարուանա (ԱՄՆ) - Մայքլ Ադամս (Անգլիա)
Սերգեյ Կարյակին (Ռուսաստան) - Հիկարու Նակամուրա (ԱՄՆ)
Վիշվանաթան Անանդ (Հնդկաստան) - Ուեսլի Սո (ԱՄՆ)
Հետևեք NEWS.am SPORT-ին Facebook-ում, Twitter և Telegram-ում