NEWS.am Sport-ի թղթակիցը զրուցեց Հայաստանի ազգային հավաքականի նախկին կիսապաշտպանի հետ:
«Երկու անգամ այցելել էի ԱՄՆ` 2006-ին եւ 2016-ին: Առաջին դեպքում, ժամանել էի այստեղ ազգային հավաքականի կազմում, իսկ երկրորդ դեպքում` «Արարատի» գործադիր տնօրենի կարգավիճակով: Այս անգամ շրջագայում եմ ԱՄՆ-ում ընտանիքիս հետ:
Սա իմ համար նոր մարտահրավեր է: Դիտում եմ բազմաթիվ խաղեր` ՄԼՍ-ից մինչեւ երրորդ լիգա, հանդիպում եմ նախկին ֆուտբոլիստների եւ մարզիչների հետ: Իմ հիմնական նպատակը տաղանդավոր խաղացողներ հայտնաբերելն է` թե հայ եւ թե այլազգի:
Կալիֆորնիայում մեծ հայկական համայնք և բազմաթիվ հայազգի ֆուտբոլիստներ կան: Այդ խաղացողների հետ հետեւողական աշխատանք տանելու դեպքում նրանք կարող են մեծ առաջընթաց գրանցել եւ նույնիսկ դառնալ ազգային հավաքականի թեկնածուներ:
Ներկայումս առաջարկներ ունեմ մի քանի ֆուտբոլային դպրոցներից եւ ակադեմիաներից»,- նշեց Մինասյանը:
Արթուր Մինասյանը որոշ ընդմիջումներով հանդես է եկել «Արարատի» կազմում 1999-ից 2013 թթ. Ֆուտբոլիստի կարիերան ավարտելուց հետո նա ստանձնեց ակումբի գործադիր տնօրենի պաշտոնը:
Սամվել Սուքիասյան
Հետևեք NEWS.am SPORT-ին Facebook-ում, Twitter և Telegram-ում