Լոնդոնում ավարտին մոտեցող London Chess Classic սուպերմրցաշարում դեկտեմբերի 10-ին կկայանան նախավերջին՝ 8-րդ տուրի պարտիաները:
Հայկական շախմատի առաջատար Լեւոն Արոնյանը սեւերով կմրցի հետնապահների թվում գտնվող անգլիացի Մայքլ Ադամսի հետ: Տուրի բոլոր պարտիաները կմեկնարկեն Երեւանի ժամանակով 18:00-ին:
Նախորդ 7 տուրերի բոլոր պարտիաները հայ գրոսմայստերն ավարտել է ոչ ոքի եւ 3.5 միավորով բաժանում է 5-7-րդ տեղերը: Մրցաշարային աղյուսակը գլխավորում են Ֆաբիանո Կարուանան ու Յան Նեպոմնյաշչին, որոնք ունեն 4.5-ական միավոր:
Հիշեցնենք, որ London Chess Classic-ը Grand Chess Tour-ի վերջին փուլն է:
London Chess Classic, 8-րդ տուր
Մայքլ Ադամս (Անգլիա) - Լեւոն Արոնյան (Հայաստան)
Մագնուս Կարլսեն (Նորվեգիա) - Յան Նեպոմնյաշչի (Ռուսաստան)
Հիկարու Նակամուրա (ԱՄՆ) - Ֆաբիանո Կարուանա (ԱՄՆ)
Ուեսլի Սո (ԱՄՆ) - Սերգեյ Կարյակին (Ռուսաստան)
Մաքսիմ Վաշյե-Լագրավ (Ֆրանսիա) - Վիշվանաթան Անանդ (Հնդկաստան)
Մրցաշարային դրությունը. Կարուանա, Նեպոմնյաշչի՝ 4.5-ական միավոր, Կարլսեն, Վաշյե-Լագրավ՝ 4-ական, Արոնյան, Սո, Նակամուրա՝ 3.5-ական, Անանդ, Կարյակին, Ադամս՝ 2.5-ական:
Հետևեք NEWS.am SPORT-ին Facebook-ում, Twitter և Telegram-ում