London Chess Classic սուպերմրցաշարի չորրորդ տուրից հետո միանձնյա առաջատարը ամերիկացի Ֆաբիանո Կարուանան է, որը սեւերով առավելության հասավ ռուսաստանցի Սերգեյ Կարյակինի նկատմամբ եւ ունի 2.5 միավոր: Տուրի մյուս պարտիաներն ավարտվեցին ոչ ոքի:
Հայկական շախմատի առաջատար Լեւոն Արոնյանը սեւ ֆիգուրներով ոչ ոքի էր խաղացել աշխարհի նախկին չեմպիոն, հնդկի Վիշվանաթան Անանդի հետ: Նրանք վաստակել են 2-ական միավոր:
Հիշեցնենք, որ նախորդ երեք տուրերում բոլոր պարտիաներն ավարտվել էին ոչ ոքի: Սերգեյ Կարյակինը վաստակել է 1.5 միավոր, մյուսները Կարուանայից հետ են կեսական միավոր:
Դեկտեմբերի 6-ին կայանալիք 5-րդ տուրում Լեւոն Արոնյանը սպիտակներով կխաղա ֆրանսիացի Մաքսիմ Վաշյե-Լագրավի հետ:
London Chess Classic, չորրորդ տուր
Վիշվանաթան Անանդ (Հնդկաստան) - Լեւոն Արոնյան (Հայաստան)՝ 0.5:0.5
Մաքսիմ Վաշյե-Լագրավ (Ֆրանսիա) - Մագնուս Կարլսեն (Նորվեգիա)՝ 0.5:0.5
Սերգեյ Կարյակին (Ռուսաստան) - Ֆաբիանո Կարուանա (ԱՄՆ)՝ 0:1
Ուեսլի Սո (ԱՄՆ) - Մայքլ Ադամս (Անգլիա)՝ 0.5:0.5
Հիկարու Նակամուրա (ԱՄՆ) - Յան Նեպոմնյաշչի (Ռուսաստան)՝ 0.5:0.5
Հետևեք NEWS.am SPORT-ին Facebook-ում, Twitter և Telegram-ում