Հունաստանի եւ Պերուի ազգային հավաքականների նախկին գլխավոր մարիչ, ուրուգվահայ Սերխիո Մարկարյանը մեկնաբանել է 2018թ. աշխարհի առաջնության վիճակահանության արդյունքը Ուրուգվայի հավաքականի համար, որը եզրափակիչ մրցաշարի խմբային փուլում կմրցի Ռուսաստանի, Եգիպտոսի եւ Սաուդյան Արաբիայի հավաքականների հետ:
« Ավելի լավ վիճակահանություն Ուրուգվայի համար չէր կարող լինել: Կարծում եմ՝ Հարավային Ամերիկայի թիմերից լավագույն վիճակահանությունը մենք ունենք: Ավելի բարդ է, երբ խմբում կա բացահայտ ֆավորիտ, իսկ երկու թիմեր պայքարում են երկրորդ տեղի համար: Այդ դեպքում, պետք է հաղթել առնվազն երկու խաղում: Իսկ հիմա խմբում կունենանք մեկ մրցակից: Կարծում եմ՝ Ուրուգվայը առանց դժվարության կհաղթահարի խմբային փուլի արգելքը»,- 73-ամյա Սերխիո Մարկարյանի խոսքը մեջբերում է Goal.com-ը:
A խումբ. Ռուսաստան, Սաուդյան Արաբիա, Եգիպտոս, Ուրուգվայ:
B խումբ. Պորտուգալիա, Իսպանիա, Մարոկկո, Իրան:
C խումբ. Ֆրանսիա, Ավստրալիա, Պերու, Դանիա:
D խումբ. Արգենտինա, Իսլանդիա, Խորվաթիա, Նիգերիա:
E խումբ. Բրազիլիա, Շվեյցարիա, Կոստա Ռիկա, Սերբիա:
F խումբ. Գերմանիա, Մեքսիկա, Շվեդիա, Հարավային Կորեա:
G խումբ. Բելգիա, Պանամա, Թունիս, Անգլիա:
H խումբ. Լեհաստան, Սենեգալ, Կոլումբիա, Ճապոնիա:
Հետևեք NEWS.am SPORT-ին Facebook-ում, Twitter և Telegram-ում
02:20 , 18 ապրիլի 
01:51 , 18 ապրիլի 
00:54 , 18 ապրիլի 
23:50 , 17 ապրիլի 
23:18 , 17 ապրիլի 
22:03 , 17 ապրիլի 
21:51 , 17 ապրիլի 
21:43 , 17 ապրիլի 
21:39 , 17 ապրիլի 
21:19 , 17 ապրիլի 
