Ստամբուլ. հայ աթլետները նախնական փուլը չհաղթահարեցին

Ստամբուլում մեկնարկած աթլետիկայի աշխարհի ձմեռային առաջնությունում Հայաստանը ներկայացնում էին միայն վազորդներ Ամալիա Շառոյանն ու Աշոտ Հայրապետյանը: Կանանց 400 մետր վազքում Ամալիա Շառոյանը 56,41 արդյունքով իր վազքահերթում 6 մարզուհիների հետ պայքարում գրավեց 4-րդ տեղը եւ դուրս մնաց հետագա պայքարից: Հաջորդ փուլի ուղեգիր ստացան առաջին երեք տեղերը գրաված մարզուհիները: Շառոյանը 32 մասնակիցների մեջ 21-րդն է:

Տղամարդկանց 800 մետր վազքում Աշոտ Հայրապետյանը վազքահերթում 5 մարզիկների հետ պայքարում գրավեց վերջին տեղը: Հաջորդ փուլ դուրս եկան առաջին երկու վազորդները: Հայրապետյանը 36 մասնակիցների մեջ ցույց տվեց նախավերջին արդյունքը:

Հետևեք NEWS.am SPORT-ին Facebook-ում, Twitter և Telegram-ում