Iniesta receiving a well deserved standing ovation from the Juventus fans. Beautiful stuff. One of the classiest legends to grace the game. Forza @andresiniesta8. pic.twitter.com/nymGlY1R2m
— Tarek Khatib (@ADP1113) 22 ноября 2017 г.
Շատ հաճելի է, որ երկու թիմերի երկրպագուներն էլ ինձ ճանապարհեցին հոտնկայս, ասել է «Բարսելոնայի» եւ Իսպանիայի հավաքականի կիսապաշտպան Անդրես Ինյեստան Թուրինի «Յուվենտուսի» դեմ Չեմպիոնների լիգայի 5-րդ տուրի խաղից հետո:
82-րդ րոպեին Ինյեստային փոխարինել էր Ժորդի Ալբան: Թուրինյան թիմի երկրպագուները ծափահարություններով են ճանապարհել Ինյեստային:
«Ես հպարտ եմ եւ շատ երջանիկ, որ երկրպագուներն այդպես են վերաբերվում ինձ: «Բարսելոնան» լուծեց խնդիրը՝ արդեն նախավերջին տուրում ապահովելով 1/8 եզրափակիչի ուղեգիրը: Ամբողջ թիմը հրաշալի աշխատանք կատարեց եւ գերազանց դրսեւորվեց ուժեղ մրցակիցների հետ պայքարում»,- Ինյեստայի խոսքը մեջբերում է mundodeportivo-ն:
Հիշեցնենք, որ Թուրինում տեղի ունեցած խաղում «Յուվենտուսն» ու «Բարսելոնան» խաղացել են ոչ ոքի՝ 0:0:
Փլեյ-օֆֆի ուղեգրեր արդեն ապահովել են նաեւ ՊՍԺ-ն, «Բավարիան», «Չելսին», «Բարսելոնան», «Մանչեսթեր Սիթին», «Բեշիկթաշը», «Տոտենհեմը» եւ «Ռեալը»:
Խմբային փուլի արգելքը հաղթահարելու շանսը դեռ չեն կորցրել «Մանչեսթեր Յունայթեդը», «Բազելը», ԲԿՄԱ-ն, «Ռոման», «Աթլետիկոն», «Յուվենտուսը», «Սպորտինգը», «Լիվերպուլը», «Սեւիլիան», «Սպարտակը», «Շախտյորը», «Նապոլին», «Պորտուն» եւ «ՌԲ Լայպցիգը»:
Հետևեք NEWS.am SPORT-ին Facebook-ում, Twitter և Telegram-ում