Մադրիդի «Ռեալի» եւ Իսպանիայի հավաքականի պաշտպան Սերխիո Ռամոսը Մադրիդի «Աթլետիկոյի» դեմ Իսպանիայի առաջնության խաղում քթի կոտրվածք ստանալուց հետո առաջին անգամ հրապարակել է լուսանկար՝ գրառելով. «Քայլ առ քայլ»:
Սպասվում է, որ Ռամոսը բաց կթողնի մեկ շաբաթ եւ արդեն նոյեմբերի 25-ին կմասնակցի «Մալագայի» դեմ Իսպանիայի առաջնության 13-րդ տուրի հանդիպմանը: Նա կխաղա պաշտպանիչ դիմակով:
Հիշեցնենք, որ առաջին խաղակեսի վերջնամասում «Աթլետիկոյի» խաղացող Լուկաս-Ֆրանսուա Էրնանդեսը պայքարի ժամանակ խաղակոշիկով հարվածել էր իսպանացի պաշտպանի դեմքին: Քթի արնահոսության պատճառով Ռամոսը որոշ ժամանակ լքել էր դաշտը, իսկ ընդմիջմանը փոխարինվել:
Հանդիպումն ավարտվել էր 0:0 հաշվով: «Ռեալի» ու «Աթլետիկոյի» միջեւ մադրիդյան դերբիում գոլազուրկ ոչ ոքի նախորդ անգամ գրանցվել էր 2005 թվականին:
Հետևեք NEWS.am SPORT-ին Facebook-ում, Twitter և Telegram-ում