«Մանչեսթեր Սիթիի» գլխավոր մարզիչ Խոսեպ Գվարդիոլան վստահ է, որ իր խաղացողներն այս մրցաշրջանում չեն կորցնի կենտրոնացվածությունը եւ չեն լինի չափազանց ինքնավստահ:
«Նման բան տեղի չի ունենա, քանի որ ես նրանց մարզիչն եմ: Եթե խաղացողները լինեն չափազանց ինքնավստահ, ես կսպանեմ նրանց: «Մանչեսթեր Սիթին» կարող է անցկացնել անհաջող հանդիպում եւ պարտվել, սակայն ես պետք է խաղալու ցանկություն տեսնեմ իմ ֆուտբոլիստների մոտ»,- մարզիչի խոսքը մեջբերում է Goal.com-ը:
Հիշեցնենք, որ Անգլիայի առաջնության 12-րդ տուրից հետո Գվարդիոլայի թիմը 34 միավորով առաջատարն է եւ 8 միավոր առաջ է անցել երկրորդ տեղում գտնվող «Մանչեսթեր Յունայթեդից»:
Հետևեք NEWS.am SPORT-ին Facebook-ում, Twitter և Telegram-ում