Հայաստանի երիտասարդ ըմբիշները մեկնել են աշխարհի առաջնության

Հայաստանի ըմբիշները մեկնել են Լեհաստան, որտեղ նոյեմբերի 21-26-ը կկայանա մինչեւ 23 տարեկանների աշխարհի առաջնությունը:

Հունահռոմեական ոճի ըմբշամարտի Հայաստանի ազգային հավաքականի մարզիչ Էդուարդ Սահակյանի գլխավորությամբ մրցավայր են մեկնել Տարոն Դումոյանը (59 կգ), Կարեն Ասլանյանը (66 կգ), Արմեն Հակոբյանը (71 կգ), Սարգիս Քոչարյանը (80 կգ) եւ Գեղամ Թորգոմյանը (85 կգ):

Ազատ ոճի ըմբշամարտի Հայաստանի ազգային հավաքականի գլխավոր մարզիչ Հաբեթնակ Կուրղինյանը մրցավայր է տարել Գեւորգ Թադեւոսյանին (57 կգ), Ղազար Համբարձումյանին (61 կգ), Խաչատուր Պապիկյանին եւ Հրայր Ալիխանյանին (74 կգ), հայտնում են Հայաստանի ըմբշամարտի ֆեդերացիայից:

Հետևեք NEWS.am SPORT-ին Facebook-ում, Twitter և Telegram-ում