Շվեդիայի հավաքականի նախկին ավագ Զլատան Իբրահիմովիչը որոշել է վերադառնալ ազգային թիմ եւ մասնակցել Ռուսաստանում կայանալիք 2018թ. աշխարհի առաջնությանը եզրափակիչ փուլին:
«Մանչեսթեր Յունայթեդի» 36-ամյա հարձակվողը դեռ շարունակում է վերականգնվել վնասվածքից եւ դաշտ կվերադառնա հունվարից ոչ շուտ, սակայն նա լրջորեն մտածում է ԱԱ-2018-ին մասնակցելու մասին, գրում է RMC-ն՝ հղում անելով ֆուտբոլիստին մոտ կանգնած աղբյուրին:
Ավելի վաղ Իբրահիմովիչը հայտնել էր, որ հետաքրքիր կլինի մեկնել Ռուսաստան:
ԱԱ-2018-ի ընտրական մրցաշարի անցումային փուլում Շվեդիայի հավաքականը 2 խաղերի (0:1, 0:0) արդյունքում հաղթել էր իտալացիներին, որոնք 60 տարվա ընդմիջումից հետո դարձյալ հանդես չեն գա աշխարհի առաջնության եզրափակիչ մրցաշարում:
Զլատան Իբրահիմովիչը 2001-2016-ը Շվեդիայի հավաքականում անցկացրել է 116 խաղ եւ խփել 62 գոլ:
Հետևեք NEWS.am SPORT-ին Facebook-ում, Twitter և Telegram-ում